የሀገራዊ ምክክር ኮሚሽን ምክትል ዋና ኮሚሽነር ሂሩት ገብረሥላሴ በትግራይ ክልል የምክክር ሂደቱ "እንቅፋት" እንደገጠመው ገለፁ ኮሚሽነሯ ይህን ያሉት ከኅዳር 6 እስከ 7 ቀን 2018 ዓ.ም በአዳማ ከተማ በተካሄደው የፖለቲካ ፓርቲዎች መድረክ ላይ ሲሆን፣ በፌዴራል መንግሥቱና በክልሉ የፖለቲካ ተዋናዮች መካከል ባልተፈቱ ጉዳዮች የተነሳ በትግራይ ክልል የምክክር ሂደቱ "ችግር እንደገጠመው" አስረድተዋል። “ይህን ሥራ ስንሠራ ሦስት ዓመት ተኩል ሆኖናል። አንድም ቀን የትግራይ ጉዳይ የስብሰባ አጀንዳችን ሳይሆን ቀርቶ አያውቅም” ብለዋል። ኮሚሽኑ ወደ ክልሉ "ያልተቋረጠ የግንኙነት ጥረቶችን" አድርጓል ያሉት ኮሚሽነሯ ከእነዚህም መካከል "አቶ ጌታቸው ረዳ በነበሩበት ጊዜ ጀምሮ" የነበረው ግንኙነት እንደሚገኝበት ጠቅሰዋል። "በክልሉ ምክክር ለማድረግ ያልጻፍነው ደብዳቤና ያላደረግነው የስልክ ጥ